Mtaa wa Oysterbay jijini Dar es Salaam ulikuwa unajulikana kwa utulivu wake wa kishua, hewa safi inayotoka baharini, na nyumba zake za kifahari zilizozungukwa na bustani zilizopambwa kwa maua ya bei ghali. Lakini ndani ya jumba kubwa la marehemu Mzee Bwire, utulivu huo ulikuwa unavunjwa na sauti za muziki wa taratibu wa R&B uliokuwa ukisikika kutoka kwenye spika za ndani na vicheko vya dharau vilivyotoka kwa mabinti wawili waliokuwa wamejiachia sebuleni. Tahiya Bwire alikuwa amejipumzisha kwenye sofa kubwa la ngozi ya thamani iliyoagizwa kutoka Italia, akichezea kucha zake zilizopambwa kwa rangi nyekundu na vito vidogo vya dhahabu huku akipiga funda
0 Comments