Giza lililokuwa limetawala chumbani kile, lililochochewa na miangaza ya radi iliyokuwa ikiwaka kwa mbali na sauti ya mvua iliyokuwa ikivuma kwa fujo kwenye paa la jumba hilo, lilibadilisha kabisa mazingira na kuyafanya yawe ya kimahaba na ya faragha ya kipekee. Tahiya alikuwa bado amejibana kifuani kwa Tariq, mikono yake ikiwa imejifunga kwa nguvu shingoni mwake huku mwili wake ukiwa unatetemeka sio tena kwa sababu ya hofu ya radi, bali kwa sababu ya joto kali la mwili wa mwanaume huyu lililomwingia mpaka kwenye mifupa yake. Kile kiburi chote cha kishua na maringo ya Oysterbay yote yalikuwa yameyeyuka kama barafu kwenye jua
0 Comments